Лидерот на најголемата грчка опозициска партија Нова демократија Евангелос Меимаракис синоќа изјави дека има намера да биде премиер ако неговата партија победи на изборите на 20 септември.
На тричасовна прес-конференција во Солун, Меимаракис истакна дека ако Нова демократија победи в недела, прво ќе и се обрати на Сириза и Алексис Ципрас, за да разговараат за формирање коалициска влада.
– Се разбира дека ќе бидам премиер, и секако дека ќе им се обратам на други партии ако Ципрас не е заинтересиран, рече лидерот на Нова демократија.
Резултатите од анкетите објавени во изминтите три дена покажуваат дека Сириза и Нова демократија се уште се многу блиску по проценти, помалку од една недела пред одржување на изборите.