Албанците од јужна Србија ќе побараат формирање на „заедница на албански општини“, по примерот на Србите на Косово, јавија српските медиуми.
Одлуката за тоа ќе биде донесена во Прешево на Собранието на советници Албанци од Прешевската долина, кое е највисоко политичко тело на Албанците од Прешево, Бујановац и Медвеѓа.
Во меѓувреме, српскиот премиер Александар Вучиќ изјави дека намерите на албанските советници во Прешево да формираат задница на општините во јужна Србија како одговор на Заедницата на српските општини во Косово е политички несериозно и неодговорно однесување, јави Танјуг.
– Србија знае како да реагира со мурдост и разум, а кога треба да покаже сила таа умее да ја покаже, рече Вучиќ.
Тој нагласи дека на овој чекор треба да се реагира мошне мудро.
– Им отворивме породилиште во Прешево, тоа е нашата политика, ќе го сториме тоа и во Бујановац, ќе отвориме и факултет и училиште, рече Вучиќ и додаде дека ги смета Албанците за дел од Србија и оти Владата има свој Координативен орган за Прешево, Бујановац и Медвеѓе.