ЕИСА, Европската асоцијација за звук и слика го објави добитниците на награди за сезоната 2015-2016 година.
Технички експерти од 50 водечки специјализирани магазини од 22 европски држави изгласаа 59 уреди во своите категории, вклучително награди, како што се најдобар Европски паметен телевизор, најдобар Европски компактен фотоапарат и најдобри Европски слушалки.
Секој уред пред да освои ЕИСА награда, претходно минува низ детални и целосни тестови. Првиот дел се однесува на тестирање на уредите од страна на членови на ЕИСА, додека вториот дел се однесува на демократско гласање со цел да се добие пан-европски консензус за врвниот квалитет на производот.
– Кога постојат толку многу производи на пазарот, правиот избор не е лесен. ЕИСА наградите се тука да помогнат и дадат фокус на најдобрите производи со дополнително уверување дека тие производи се препорачани од 50 независни експерти низ цела Европа, изјави претседателот на ЕИСА Џорџ Гонкалвес.
ЕИСА наградите официјално ќе бидат доделени на ИФА саемот во Берлин, што е најголем саем на потрошувачка електроника во Европа што се одржува од 4 до 9 септември.
Меѓу наградените уреди се:
Смартфон со најдобра камера – Ел-Џи Г4
Најдобар таблет – Леново ЈОГА Таблет 2 про
Најдобар Смарт ТВ – Ел-Џи 65УФ950В
Најдобар смартфон за широка употреба – Хуавеи П8
Најдобар напреден смартфон – Самсунг Галакси С6 Едџ
Најдобар потрошувачки ДСЛР фотоапарат – Никон Д5500
Најдобар професионален ДСЛР фотоапарат – Канон ЕОС 5ДС/ 5ДС Р
Фото иновација 2015-2106 – ДхО Уан
Најдобра фото и видео камера – Панасоник Лумикс ДМЦ-Г7/Г70
Најдобри звучници – Боверс анд Вилкинс ЦМ6 С2
Најдобри слушалки – Сенхеисер Моментум 2
Најдобар ин-кар хед единица – Кенвуд ДНХ 7150ДАБ.