Најмалку 55 лица загинаа и над 100 се ранети во новите самоубиствени атентати, кои исламистите од групата Боко Харам ги изведоа во североисточна Нигерија, соопшти претставник на цивилната заштита, цитиран од ДПА.
Неколку жени камикази вчера се саморазнеле со експлозиви меѓу жителите на селото Забармари. Бројот на загинатите може да се покаже и поголем, бидејќи при експлозиите многу од телата биле
раздробени, што го отежнувало пребројувањето и идентификацијата. Меѓу загинатите имало и деца.
Полицијата денеска откри неексплодирани бомби, што можеле да се наведуваат од далечина.
Селото Забармари се наоѓа во близина на градот Мајдугури, што се смета за утврдување на Боко Харам. Во последно време во регионот се зголемија самоубиствените атентати, што главно се извршувани од жени.
Во четвртокот две жени се кренаа во воздух во село во државата Борно и притоа убија 11 лица. Од почетокот на оваа недела во истата држава се убиени приближно 150 лица.