На штандот на независните издавачи МАНУСКРИПТ во рамки на саемот на книгата во Скопје денеска ќе биде промовирано делото Skopje Museum Тour.
Skopje Museum Тour е водич за музеите и изложбените простори во градот Скопје, на англиски јазик, наменето пред се за странските туристи кои во се поголем број го посетуваат нашиот град, но и за сите оние кои сакаат да се информираат подобро за тоа што се нуди Скопје.
Автор на текстот е Александар Ристевски, фотографијата на Александар Ѓоргиев, додека за дизајнот се погрижи Урош Вељковиќ. Делото е на 100 страници, во А5 формат, во колор, на исклучително квалитетна хартија.
Водичот веќе е достапен во продажба во Музејот на македонска борба, деновиве ќе биде дистрибуиран до сите позначајни музеи и продавници, а за време на Саемот истиот може да се набави по промотивна цена.