Новата грчка Влада „радикално се спротивставува“ на приватизацијата на одредени компании, особено во секторите на енергетиката и инфраструктурата, изјави министерот за енергетика и животна средина Панајотис Лафазанис.
Продажбата на државните претпријатија со цел собирање на средства и намалување на државниот долг е една од мерките, кои се бараат од Грција, во замена на спасувачките заеми од еврозоната и ММФ.
Преговори на техничко ниво меѓу Грција и нејзините кредитори почнаа денеска во Брисел, за да бидат прецизирани реформите, кои Атина треба да ги примени, за да ги добие средствата од спасувачките заеми и да избегне банкрот.
Лафазанис, кој учествува на енергетски форум во Атина, организиран од „Интернешел хералд трибјун“, упати напади врз „неолибералната политика“ на ЕУ во областа на енергетиката.