Во првиот натпревар од 24. коло на шпанската Примера, Хетафе синоќа го совлада Еспањол со 2:1.
Пабло Сарабиа во 33. и Алваро Васкез во 57. минута му донесоа водство на Хетафе, а Арбиља во 89. минута го постави конечниот резултат.
За денеска се предвидени четири средби од овој круг: Барселона – Малага, Кордоба – Валенсија, Атлетико Мадрид – Алмерија и Депортиво Ла Коруња – Селта Виго.
Четири натпревари се играат и утре: Сосиедад – Севиља, Атлетик Билбао – Рајо Ваљекано, Виљареал – Еибар и Елче – Реал Мадрид.
Последната средба се игра в понеделник кога Леванте ја пречекува Гранада.
Табела: Реал Мадрид 57 бодови, Барселона 56, Атлетико Мадрид 50, Валенсија 47, Севиља 45.