Јорданските власти потврдија дека екстремисти на ИСИС заробиле еден нивен пилот, чиј што авион Ф16 бил соборен во тек на коалициските бомбардирања на север во Сирија.
-Јордан смета дека Исламска држава е одговорна за заробување на пилотот- се наведува во соопштението на властите во Аман.
Сириката опозициска Опсерваторија за човекови права соопшти дека џихадисти во близина на градот Рака, на север на Сирија собориле воен авион на силите на коалицијата и го заробиле пилотот.
Генералниот секретар на ОН Бан Ки Мун апелираше до припадниците на Исламска држава да постапуваат хумано кон заробениот пилот, изјави портпаролот на генералниот секретар Стивен Дијариц и додаде дека се загрижени поради континуираното насилство ширум државата, како и поради употребата на „барел бомби“ во населените области.
Е. Г.