Екипата на Атланта оствари нова победа и се наоѓа на чекор до првото место во Источната конференција, додека лидерот на Западната Конференција Голден Стејт загуби и го претрпе четвртиот пораз.
Атланта пред своите навивачи го победи ЛА Клиперс со 107:104, а ДеМаре Керол постигна рекордни за него 25 поени со 10 скокови. Ова за екипата на Атланта е петта победа во серија или 14.та на 15 натпревари.
Изненадување направи и ЛА Лејкерс со триумфот над Голден Стејт со 115:105.
На другите натпревари беа постигнати следниве резултати: Кливленд – Минесота 125:104, Индијана – Њу Орлеанс 96:84, Орландо – Бостон 100:95, Вашингтон – Чикаго 91:99, Бруклин – Денвер 102:96, Мајами – Филаделфија 87:91, Милвоки – Шарлот 101:108, Оклахома Сити – Портланд 101:105 (продолжение) и Феникс – Далас 124:115.
Пласман Источна конференција: Торонто 22-7 (победи-порази), Атланта 21-7, Вашингтон 19-8, Чикаго 19-9, Кливленд 17-10,…
Пласман Западна конференција: Голден Стејт 23-4, Портланд 23-7, Мемфис 21-7, Хјустон 20-7, Далас 20-10,…