Екипата на Партизан претрпе нов пораз во рамките на АБА лигата откако синоќа во натпревар од 13.коло загуби дома од Будуќност со 72:61.
За „црно-белите“ ова беше седми пораз сезонава, додека Будуќност се зацврсти на втората позиција зад Црвена Звезда.
Резултати од 13.коло од АБА лигата: Игокеа – Мега Лекс 70:63, Левски – Цибона 64:74, Крка – Олимпија 71:54, Металац – Задар 87:93, Цедевита – Шолнок 74:73 и Партизан – Будуќност 61:72.
Последниот натпревар од колото се игра вечерва во СЦ „Јане Сандански“ каде македонскиот шампион МЗТ Скопје Аеродром го пречекува лидерот Црвена Звезда. Почетокот на дуелот е во 20 часот и 30 минути.
Табела: Црвена Звезда 12-0 (победи-порази), Будуќност 11-2, Цедевита 9-4, Олимпија 8-5, Цибона 7-6, Крка 6-7, Партизан 6-7, Мега 6-7, Задар 6-7, Шолнок 6-7, Игокеа 4-9, Металац 4-9, МЗТ Скопје Аеродром 4-8, Левски 1-12.