Екипата на Голден Стејт продолжува со победите во НБА лигата.
„Воините“ синоќа на гостувањето во Далас ја забележаа петнаесеттата победа во низа и станаа првиот тим кој сезонава стигна до бројката од дваесет триумфи.
Тимот на Орландо ја прекина низата од девет последователни победи на Атланта во чии редови втор меч едноподруго не настапи Пето Антиќ. Најнеизвесниот натпревар синоќа го одиграа Филаделфија и Мемфис, а победа забележаа гостите дури во продолжението.
Резултати од натпреварите одиграни синоќа: Далас – Голден Стејт 98:105, Шарлот – Бруклин 87:114, Индијана – Портланд 85:95, Орландо – Атланта 100:99, Милвоки – ЛА Клиперс 111:106, Филаделфија – Мемфис 115:120 (продолжение), Хјустон – Денвер 108:96 и Сакраменто – Детроит 90:95.