Екипата на Мемфис продолжува со добрите игри и ноќеска се радуваше на победа над Мајами на домашен терен со 103:87.
Најдобар на теренот беше играчот од клупата Џон Лур, кој постигна 20 поени, а имаше и 12 скока. Ова за Мемфис беше 16-та победа и се наоѓа на делба на втората позиција на „Запад“, зад Голден Стејт.
Од ноќешните натпревари за одбележување е и „трипл даблот“ на Раџон Рондо во победата на Бостон против Вашингтон – 13 поени, 13 скокови и 11 асистенции.
Резултати од ноќеска одиграните натпревари: Мемфис – Мајами 103:87, Бостон – Вашингтон 101:93, Детроит – Оклахома Сити 94:96, Далас – Милвоки 125:102, Њујорк – Портланд 99:103 и ЛА Лејкерс – Њу Орлеанс 87:104.
Вечерва се играат седум натпревари: Индијана – Атланта, Вашингтон – Бостон, Бруклин – Кливленд, Торонто – Денвер, Минесота – Голден Стејт, Сакраменто – Јута и ЛА Клиперс – Феникс.
Пласман Источна конференција: Торонто 15-5 (победи-порази), Атланта 13-6, Вашингтон 13-6, Кливленд 11-7, Чикаго 12-8,…
Пласман Западна конференција: Голден Стејт 17-2, Хјустон 16-4, Портланд 16-4, Мемфис 16-4, Сан Антонио 15-5,…