Верувале или не, пана котата е многу лесна и брза за правење. Единствено за кое треба време е процесот на нејзино ладење.
Потребно е:
1 л слатка павлака
100 гр шеќер
2 лажички екстракт од ванила или 1 стапче ванила
2 ќесички желатин во прав (околу 4 лажички)
6 лажици ладна вода
Подготовка:
– Во тенџере ставете ги слатката павлака и шеќерот. Загрејте ја течноста до вриење.
– Потоа, ставете го екстрактот од ванила. (Ако десертов го правите со стапче од ванила, прво, извадете ги семчињата од ванилата, ставете ги во млекото заедно со шеќерот и оставете да отстојат околу 30 минути. Потоа, ставете ја течноста на рингла и загрејте ја до вриење. Потоа, продолжете од тука со следниот чекор – желатин).
– Желатинот подгответе го според упатството на ќесичката (во 6 лажици ладна вода ставете да го да се растопи). Оставете да отстои околу 10 минути и ставете го во течноста со слатка павлака.
– Мешајте додека да се соедини желатинот во смесата.
– Смесата со желатин претурете ја во мали чинии за сервирање, претходно лесно намачкани со малку масло.
– Ставете ја пана котата да се стегне во фрижидер најмалку 4 часа.
– Послужете со сос од шумско овошје или чоколаден сос.