ОН предупредуваат дека речиси една милијарда луѓе ширум светот немаат пристап до тоалети, што е причина за многубројни заразни болести, вклучувајќи ја и опасноста од зараза со смртоносниот вирус на еболата.
Во извештајот на Светската организација се наведува дека дури половина од населението во Либерија, која е најпогодена од еболата, немаат пристап до тоалети, додека во Сиера Леоне една третина од граѓаните немаат тоалети во своите домови.
Податоците покажуваат дека во субсахарска Африка, каде една четвртина од населението немаат тоалети, а дијареата е трет причинител за смртност кај децата до пет годишна возраст.
Истражувањата укажуваат дека во светот на секои две и пол минути умира по едно дете од последици на зарази предизвикани од нечиста вода за пиење, несоодветен пристап до тоалети и лошата хигиена, се додава во документот на ОН.
Речиси половина од луѓето во светот кои немаат пристап до тоалет живеат во Индија, а следуваат азиските земји Индонезија, Пакистан, Непал и Кина.