Француските власти бараат начин како да се ослободат од телото на угинат кит, кое е забележано на плажа во близина на Монтпелиер и се заканува со експлозија.
Една од опциите која е во игра е телото за кое што се претпоставува дека е тешко околу 15 тони, да го вратат назад во морето и да го разнесат со динамит, додека втор начин е со дигалка да го однесат на друго место на копното.
Инаку подрачјето околу китот е затворено за јавноста, бидејќи постои опасност да дојде до експлозија на самото тело.
-Поради топлина се создаваат гасови во внатрешноста на мртвото тело и затоа е толку големо. Гасовите се собираат се додека не дојде до експлозија – рече Анеич Черон, од националниот резерват Камаг.
На почеток на годинава во еден канадски град настана паника поради иста ситуација, бидејќи експлозијата може да ослободи опасни бактерии.
Е. Г.