Европа треба да ги држи отворени каналите за дијалог со Русија, изјави вчера во Берлин претседателот на Европскиот Парламент, Мартин Шулц, цитиран од ТАСС.
Шулц ова го кажа во Домот на светските култури во германската престолнина, во говорот што се однесуваше на актуелниот украински конфликт.
– Дали тоа ни се допаѓа или не, но Русија е клучна држава и постојана членка на Советот за безбедност на ОН, рече тој, додавајќи дека „конфликтот во Украина може да се надмине само на мирен начин“.
– Треба отворено да признаеме дека се залагаме за зачувување на територијалната целост на Украина, но при тоа треба да ги држиме отворени каналите за комуникација со Русија, подвлече Шулц.