Пет лица загинаа, а девет се ранети синоќа во напад врз верски настан на муслимански шиити во источниот дел на Саудиска Арабија, соопшти денеска саудиската полиција.
Кусо пред полноќ шиитите од селото Ал Далуа го празнувале празникот Ашура, во спомен на маченикот Хусеин, внук на пророкот Мухамед, убиен во седмиот век во Кербала.
– За време на церемонијата три засега непознати лица отворија оган со митралез и поштоли, при што убија пет лица, а ранија деветмина, изјави портпаролот на полицијата.
Шиитите претставуваат околу десет отсто од населението на кралството, во кое се практикува претежно сунитскиот ислам.