Кошаркарите на Цедевита постигнаа победа на последниот натпревар од 5.коло од АБА лигата. Тимот од Загреб имаше проблеми да го „скрши“ отпорот на Игокеа бидејќи по три четвртини гостите имаа предност од седум поени. На крајот решавачка беше последната четвртина што Цедевита ја реши во своја корист со 11 поени разлика за конечни 68:64 (18:21, 13:15, 18:20, 19:08).
Најефикасен на натпреварот беше играчот на Игокеа Џонатан Џонс со 18 поени.
На другите натпревари од 5.коло беа постигнати слениве резултати: Крка – МЗТ Скопје Аеродром 85:52, Шолнок – Левски 81:67, Партизан – Металац 84:77, Мега Визура – Унион Олимпија 85:66, Будуќност – Цибона 101:79 и Задар – Црвена Звезда 63:79.
Табела: Црвена Звезда 5-0 (победи-порази), Будуќност 5-0, Крка 4-1, Цедевита 3-2, Унион Олимпија 3-2, Шолнок 3-2, Мега Визура 3-2, Задар 2-3, МЗТ Скопје Аеродром 2-3, Партизан 2-3, Игокеа 1-4, Цибона 1-4, Левски 1-4, Металац 0-5.