За вечерва планираната средба во Милано меѓу германската канцеларка Ангела Меркел и рускиот претседател Владимир Путин е откажана, соопштија дипломатски извори.
Средбата е откажана поради доцното пристигнување на Путин од Белград во Милано.
Меркел на маргините на Самитот Азија-Европа во Милано денеска се сретна со украинскиот претседател Петро Порошенко, а пред официјалната вечера требаше да има средба и со Путин.
Засега не е познато дали Меркел и Путин ќе се сретнат подоцна вечерва.