Сомалиската исламистичка група Ал Шабаб за една година заработила повеќе десетици милиони долари со илегален извоз на јаглен од Сомалија, соопшти Групата за мониторинг, која го следи почитувањето на санкциите на ОН воведени кон Сомалија и Еритреја.
Групата регистриала најмалку 161 пловен објакт со кои во периодот од јуни 2013 до мај 2014 година бил извезуван јаглен од сириските пристаништа Кисмајо и Бараве, со што се кршат санкциите на ОН.
– Вкупната вредност на извезениот јаглен на меѓународните пазари меѓу 2013 и 2014 година може да се процени на најмалку 250 милиони долари. Оваа сума може да е и поголема, бидејќи е можно да не биле регисрирани сите испораки, се вели во годишниот извештај на Групата.
Според Групата, бродовите со јаглен од Сомалија во најголем дел завршувале во пристаништа во Обединетите Арапски Емирати, Оман и Кувајт.
Советот за безбедност на ОН во февруари 2012 година забрани извоз на јаглен од Сомалија, со цел да го спрчи приловот на средства за финансирање на групата Ал Шабаб, која е поврзана со Ал Каеда. Ал Шабаб веќе неколку години се бори за преземање на власта во Сомалија и во реоните под нејзина контрола спроведува строги шеријатски правила.