Германски хуманитарен конвој од 112 камиони ја мина украинската граница на пат за Киев, соопшти синоќа украинскиот претседател Петро Порошенко.
Порошенко за тоа бил информиран од германската канцеларка Ангела Меркел, се наведува во соопштение на сајтот на украинскиот претседател.
Во соопштението се додава дека Порошенко се заблагодарил на Меркел за хуманитарната помош во вредност од 10 милиони евра.
Станува збор за хуманитарна помош од 17 германски градови, а камионите за Украина тргнаа пред два дена.