Катарскиот емир, шеик Тамим бин Хамид ал Тани го обвини Израел дека извршил воени злосторства и злосторства против човештвото за време на неодамнешната седумнеделна војна против Хамас во Појасот Газа.
Емирот во обраќање на седницата на Генералното собрание на ОН ги повика светските лидери да не прифаќаат посети на израелските лидери.
Над 2.100 Палестинци, вклучително стотици цивили, меѓу кои многу деца се убиени, додека на израелска страна загинаа 66 војници и шест цивили.
Катарскиот лидер го повика СБ на ОН да усвои резолуција со која ќе се принуди Израел да ја прекине окупацијата на палестинската земја во одреден рок.