Шпанија повторно го собори рекордот на посети на странски туристи во август, што на таа земја, во која туризмот е една од главните економски активности и овозможува да ја заклучи успешната летна сезона.
Во август во Шпанија се регистрирани девет милиони странски туристи, што е раст од 8,8 отсто во однос на август минатата година, а истовремено и најголем месечен прилив на туристи, соопшти Министерството за туризам.
Најмногу туристи и натаму доаѓаат од Велика Британија, а следуваат Франзуците и Германците. Тие најмногу ги посетуваат Каталонија, Балеарските Острови и Андалузија, познати по убавите плажи.
За осум месеци во оваа година бројот на странските посетители се зголемил за 7,3 отсто, на 45,4 милиони, што исто така е апсолутен рекорд.
Шпанија е трета најомилена туристичка дестинација во светот, по Франција и САД.
Странските туристи трошеле повеќе пари од порано. Според податоците на Министерството за туризам потрошиле 26,35 милијарди евра во првиот квартал, што е 7,8 отсто повеќе на годишно ниво.