Главниот муфтија на Саудиска Арабија, Шеик Абдулазиз Ал аш Шеик, денеска изјави дека вооружените групи „Исламска држава“ (ИД) и Ал Каеда се „најголемиот непријател на исламот“ и на никаков начин не се дел од исламот, пренесоа британските медиуми.
И покрај тоа што муфтијата и другите високи саудиски духовници и претходно ја осудуваа ИД, моментот во кој Ал аш Шеик ја даде изјавата е важен со оглед на победите на вооружените борци во Ирак, забележаа британските медиуми.