Фудбалерите на Ливерпул имаа успешна генерална проба пред почетокот на новата сезона во англиската Премиер лига. Тие попладнево ја совладаа Борусија Дортмунд со 4:0.
Даниел Стариџ во 10. минута им донесе водство на домаќините. На 2:0 зголеми Дејан Ловрен четири минути подоцна со својот гол првенец во црвениот дрес.
Два погодока Ливерпул постигна и во второто полувреме.
По само четири минути игра Кутињо зголеми на 3:0, а конечниот резултат го постигна Џордан Хендерсон во 61.минута.
Со оваа победа тимот од „Енфилд“ покажа дека се наоѓа во одлична форма пред предизвиците во домашното првенство, што не важи за Борусија Дортмунд која Бундес лигата ја почнува на 23. август дома против Баер Леверкузен.
Ливерпул на 17. август во 1. коло од Премиер лигата го пречекува Саутемптон.