Поранешниот играч на Челзи Френк Лампард кој потпиша договор со Њујорк Сити, следните седум месеци ќе го носи дресот на Манчестер Сити, јавија медиумите во Англија.
Првенството во САД почнува во март 2015 година, а Лампард сакајќи да ја одржува формата одлучил до пролет да настапува во Премиер лигата и тоа во редовите на шампионот Манчестер Сити.
„Граѓаните“ ќе може да сметаат на искусниот фудбалер и во Премиер лигата и за натпреварите во Лигата на шампионите.
Се очекува Лампард да се приклучи во новата средина следната недела кога екипата треба да се врати од турнејата на американскиот континент.