Италијанецот Винченцо Нибали е победник на велосипедската трка низ Франција, на 101 – то издание на најпрестижната велосипедска трка.
Тој победи со вкупно време 89 часа 59 минути и 6 секунди пред Жан Кристоф Перо и Тибо Пино и двајцата од Франција.
За Нибали, ова е прв триумф на „Тур Де Франс“, победи на 4 етапи, жолтата маичка беше во негова сопственост дури 17 дена.
Франција за прв пат по 30 години има двајца велосипедисти на подиумот.
А денешната етапа му припадна на Кител од Германија, за него ова беше вкупно 4 -та етапна победа.