На Европското ватерполо првенство кое се одржува во Будимпешта комплетирани се полуфиналните двојки во женска конкуренција.
Домашната селекција на Унгарија во првиот четвртфинален натпревар, одигран попладнево, ја совлада селекцијата на Русија со 11:7. Унгарките во полуфиналето ќе играат против селекцијата на Шпанија.
Во вториот полуфинален меч ќе играат Холандија и Италија селекција која до место меѓу четирите најдобри на шампионатот дојде со денешната победа во четвртфиналето против Грција со 4:2 на пенали, откако во регуларниот дел мечот заврши без победник 7:7.
Денеска се одигра и мечот за 7. место во кој Франција со 8:5 ја победи Велика Британија.
Утре за дамите е слободен ден, а полуфиналните натпревари на програмата се во четврток.
На машкиот дел од првенството вниманието ќе го привлечат четвртфиналните дуели, по кои ќе бидат комплетирани и полуфиналните двојки.