Контролорите на летање во Франција започнаа штрајк, кој е предвиден да трае до недела, поради што се доведуваат во прашање околу една четвртина од летовите, пред се во јужниот дел на Франција и на релации кон јужна Европа и Магреб, јавуваат француски медиуми.
Синдикатот на контролорите на летање има намера да изрази незадоволство поради премногу ниските финансиски средства предвидени за воздушниот сообраќај, со план кој Франција треба да го претстави до 30 јуни во Брисел.
Националната федерација за авиосообраќај смета дека штрајкот е штетен за авиосообраќајот во реорганизација, бидејќи се случува во најлошиот момент од годината.