Белата куќа соопшти дека лидерите на САД, Франција и Германија се согласија дека постои можност Русија да се соочи со нови санкции, поради неуспехот да ги намали тензиите на границата со Украина.
Во соопштението се наведува и дека по избивање на новите тензии во регионот, американскиот претседател Барак Обама разговарал со францускиот претседател Франсоа Оланд и германската канцеларка Ангела Меркел.
-Лидерите се согласија дека САД и ЕУ ќе извршат дополнителни координирани потези, за воведување нови санкции за Москва, доколку Русија не преземе итни конкретни чекори за деескалација на состојбата на исток на Украина-се истакнува во соопштението на Белата куќа.
Инаку САД и ЕУ по присоединување на Крим со Русија, воведоа санкции против Русија.
Е. Г.