Книгата „Имагинарни музеи“ од Владимир Мартиновски денеска беше промовирана во Националниот институт за ориентални јазици и цивилизации „Иналко“ во Париз. Делото го издаде издавачката куќа „Ларматан“, а беше објавено во 2009 година на француски јазик.
Се работи за компаративна студија во која се проследува дијалогот меѓу поезијата и сликарството, преку анализа на поетски дела од шест поети од три различни литературни традиции: француската (Шарл Бодлер и Ив Бонфоа), американската (Вилијам Карлос Вилијамс и Џон Ешбери) и македонската (Славко Јаневски и Влада Урошевиќ).
– „Имагинарни музеи“ е суштествена книга за подобро да се разберат интеракцијата и проникнувањето на поезијата и на ликовните уметности, смета проф. д-р Еди Бурауи.
Промоцијата е во организација на Центарот за балкански студии во рамките на ИНАЛКО, а по иницијатива на професорката Фроса Пејовска-Бушро.