Дерек Фишер ќе биде новиот тренер на НБА лигашот Њујорк, објавија денеска некои од медиумите во САД.
Фишер своевремено се прослави како кошаркар на Лос Анџелес Лејкерс екипа со која освои пет шампионски прстени, а неодамна со Оклахома го играше финалето на Западната конференција во обидот да стигне до шестиот НБА наслов.
Евентуален ангажман на 39-годишниот трофеен сега веќе поранешен кошаркар ќе биде по заслуга на неговиот поранешен тренер во Лејкерс Фил Џексон кој работи како генерален менаџер во Њујорк.
Во својата професионална кариера Фишер има настапувано и за Голден Стејт, Далас и Јута, а ова ќе му биде прва сезона како тренер.