Досегашниот голман на Хетафе, Мигуел Моја потпиша тригодишен договор со шпанскиот фудбалски шампион Атлетико Мадрид, соопштија денеска од клубот од „Висенте Калдерон“.
Доаѓањето на Моја во мадридскиот клуб би можело да значи заминување на Белгиецот Тибо Куртоа кој бранеше во Атлетико како позајмен играч од Челзи.
Моја во шпанската Примера Дивизија настапува веќе десет години бранејќи за Мајорка, Валенсија и Хетафе.