Нивото на Дунав во Нови Сад, Сланкамен и Банатска Паланка, како и на Тиса кај Тител денес е над границата за редовна одбрана од поплави.
Републичкиот хидрометеоролошки завод предупреди дека во Земун и Панчево нивото ќе се зголеми и ќе достигне до границата за вонредна одбрана.
Во Смедерево во текот на денот, нивото на Дунав ќе ја надмине границата за вонредна одбрана од поплави.
Како што соопшти РХМЗ нивото на Сава во Јамен, Сремска Митровица и Шабац е над границата за вонредна одбрана од поплави, со тенденција на мало намалување.
Во Белград нивото се уште ќе се зголемува, а во текот на утрешниот ден ќе достигне до границата за вонредна одбрана.
Е. Г.