Во Србија во поплавите животот го загубија вкупно 27 лица, од кои најмалку десет или 11 починале од природна смрт, изјави денеска српскиот премиер Александар Вучиќ.
– Не може се уште точно да се утврди бројот на починати и загинати во поплавите и тоа треба да го утврдат лекарите кои вршат обдукција, рече Вучиќ.
Засега не прецизираше колку луѓе загинале во Обреновац, кој беше најтешко погоден од поплавите.
– Најдовме луѓе кои бегале во џип, мислејќи дека ќе ја избегнат водата, а се извлече само еден човек, додаде српскиот премиер.
Вучиќ нагласи дека нема повеќе пријавени исчезнати лица.
До синоќа официјално беа потврдени 22 жртви во поплавите, од кои 14 во Обреновац и една во Свилајнац, додека за останатите лица не е прецизирано каде го загубиле животот.