Мандатарот на српската влада Александар Вучиќ во своето експозе истакна дека три клучни задачи се пред новата влада – реформа за функционирање на економијата, развој на приватниот сектор и консолидација на буџетот.
Тој на посебната собраниска седница, на која ќе се избире новата влада истакна дека покрај економијата клучна е и „промената на менталитетот“.
Идниот премиер за време на тричасовното излагање наведе дека приоритет на владата ќе биде образованието, реформата на здравството и судството. Тој зборуваше и за пензиите и платите, за слободата на говорот, но и за продажбата на „Телеком“ и за друго.
Вучичќ им порача на идните министри дека нивните резултати ќе бидат мерени на секои шест месеци.