Ливерпул со победата над Норвич од 3:2, е се поблиску до освојување на шампионската титула во англиската Премиер лига.
Натпреварот од 35.коло, одигран попладнево, Ливерпул го започна фуриозно и преку Рахим Стерлин уште во четвртата минута поведе со 1:0. Веќе во 11 гостинскиот тим имаше и предност од 2:0, со голот на Луис Суарез. Во 54 минута домашниот тим намали на 2:1 со голот на Гери Хупер. Со својот втор гол на мечот Стерлин во 62-минута зголеми на 3:2 за Ливерпул. Конечните 3:2 ги постави Роберт Снодгардс во 77-минута.
Со новите три бода, како и по вчерашниот пораз на Челзи, екипата на Ливерпул сега се зацврсти на врвот на табелата со 80 бодови, пет повеќе од Челзи.
Денеска ќе се играат и средбите, Хал – Арсенал и Евертон – Манчестер Јунајтед, а колото ќе биде комплетирано в понеделник со дуелот Манчестер Сити – Вест Бромвич Албион. На натпреварите одиграни вчера, беа постигнати овие резултати: Тотенхем – Фулам 3:1, Вест Хем – Кристал Палас 0:1, Њукасл – Свонси 1:2, Кардиф – Стоук 1:1, Астон Вила – Саутемптон 0:0 и Челзи – Сандерленд 1:2.