Капитенот и голман на Реал Мадрид Икер Касиљас по синоќешната победа над Барселона во куп-финалето изјави за шпанските медиуми дека трофејот го посветува на повредениот Хесе Родригез.
– Во извонреден натпревар двете екипи имаа свои шанси, но ние ја заслуживме победата. Среќен сум и поради нашите навивачи кои не поддржуваа во текот на целиот меч, но во овој момент нашите мисли се насочени кон младиот соиграч Хесе. Тој поминува низ тежок период. Веруваме дека брзо ќе се опорави и ќе биде со нас. Него му го посветуваме овој трофеј, истакна Касиљас.
21-годишниот Хесе на средбата од Лигата на шампионите со Шалке доживеа тешка повреда на коленото која го оддалечи од терените најмалку шест месеци.