Турскиот рибар Кадир Јосал улови пирана во реката Марица, соопшти електронското издание на грчкиот весник „Имерисија“, повикувајќи се на информација на турските агенции.
Уловениот примерок е со должина од 45 сантиметри.
Јосал, кој веќе 20 години лови риба во реката, тврди дека за прв пат среќава ваков вид риба во реонот. Според него, присуството на пирана може да значи крај за риболовот во реката Марица, бидејќи има опасност за луѓето и ги повика компетентните органи да направат проверка.
Јосал за турските медиуми објаснува дека во Турција не се среќаваат пирани и веројатно конкретниот примерок бил ослободен од аквариум, а не е исклучено да има уште.