Двајцата најдобри тенисери на светот Рафаел Надал и Новак Ѓоковиќ обезбедија пласман во четвртфиналето на Мастерсот во Шангај. Тие во денешните мечеви ги совладаа своите ривали, додека изненадување направи Гаел Монфилс со елиминацијата на Рожер Федерер.
Надал со 2-0 во сетови го победи Карлос Берлог, додека со истиот резултат Ѓоковиќ беше подобар од Фабио Фоњини. Гаел Монфилс успеа да го победи Федерер со 2-1 во сетови и со тоа ја постигна само втората победа над Швајцарецот.
Од фаворитите натпреварите завршија и за Томаш Бердих, кој со 2-1 во сетови загуби од Николас Алмагро.
Според распоредот во четвртфиналето утре ќе играат: Новак Ѓоковиќ – Гаел Монфилс, Флоријан Мајер – Жо Вилфред Цонга, Хуан Мартин Дел Потро – Николас Алмагро и Рафаел Надал – Станисалс Вавринка.