Српскиот тенисер Новак Ѓоковиќ се пласираше во финалето на тенискиот турнир во Пекинг и ќе се обиде да ја одбрани титулата утре против Рафаел Надал.
Ѓоковиќ попладнево го совлада францускиот тенисер Ришар Гаске со 2:0. А Надал од понеделник ќе биде прв на АТП листата.
Шпанскиот тенисер изрази големо задоволство поради тоа што од понеделник повторно ќе се искачи на првото место на АТП листата, потиснувајќи го Новак Ѓоковиќ на втората позиција.
– Многу е убаво да си на врвот. За ова достигнување работев напорно по опоравувањето од повредта која пола година ме одалечи од терените. Првото место доаѓа како подарок за мене по успешната година, една од најдобрите во мојата кариера, рече Надал кој утре ќе игра на финалниот меч на турнирот во Пекинг.