Првиот вицепремиер во српската влада и лидер на Српската напредна партија, Александар Вучиќ, вели дека е можно оддржување предвремнени парламентарни избори во земјата доколку меѓу граѓаните има такво расположение, пренесоа српските медиуми.
„Во Белград со сигурност ќе има вонредни избори“, посочи Вучиќ, кој, меѓутоа, не исклучи и можни предвремени парламентарни избори, доколку јавноста тоа го сака.
-Сметам дека во овој момент не ни се неопходни предвремени парламентарни избори. Сметам дека волјата на народот е јасна. Но, ако во Србија постои таква атмосфера да не можете да работите и живеете затоа што сите други се многу поуспешни, со нашите коалициски партнери треба да разговараме и да видиме кое е најдоброто решение, изјави Вучиќ.
Тој, меѓутоа, истакна дека Србија има многу поголеми проблеми од изборите.