Грчката полиција го уапсила лидерот на „Златна зора“, Николаос Михалолиакос, пренесоа светските агенции.
Михалолиакос бил приведен под обвинение за формирање криминална организација, посочуваат американските медиуми.
Наредби за апсење се издадени и по уште петмина пратеници на „Златна зора“. Во моментов нив ги бара единицата за борба со тероризмот во полицијата.
Се очекуваат уште наредби за апсења на припадници на оваа партија.
Строгите мерки се преземаат неколку дена по убиството на левичарскиот активист и рапер од член на „Златна зора“, што ги разбуди духовите во Грција.