Полицијата во Дијарбекир, во Југоисточна Турција, денеска спроведе голема операција против лица, осомничени за производство и трговија со наркотици со цел за финансирање на терористички активности, објави весникот „Сабах“.
Операцијата во која учествувале командоси, поддржани од воени хеликоптери, беспилотни летала и оклопни возила, е спроведена во шумскиот регион околу селата Ортач и Алаза, во близина на градот Лиџе.
Досега во операцијата се запленети околу четири тони хашиш. Акцијата е спроведена во рамките на истрага на обвинителството во Дијарбекир за шверц на наркотици за терористички цели.