Првиот рекет на светот, Новак Ѓоковиќ, втора година по ред е избран за најдобар спортист во Европа, а трофејот на АИПС (Асоцијација на спортските новинари на Европа) му го доделија претседателот и генералниот секретар на организацијата Јанис Дарас и Чарлс Камензули.
„Ѓоковиќ не е само успешен спортист кој со резултатите го заслужува ова признание. Тој е во фер-плеј однос со ривалите, со однесувањето на теренот и со хуманитарната работа укажува на вредностоте кои треба да се ценат и да се спроведуваат во животот.
– Тој стана идол на младите во светот, а од друга страна ја промовираше својата земја. Србија, но и Европа можат да бидат горди што имаат таков харизматичен спортист, кој се истакна со професионалниот однос кон медиумите. Судејќи по гласањето, тој е омилен меѓу спортските новинари во Европа“, рече Дарас.
АИПС го избира најдобриот спортист на Европа од 1983. година, а прв лауреат беше германскиот пливач Михаел Грос. Меѓу останатите, трофеи освојуваа Мишел Платини, Сергеј Бубка (три пати), Борис Бекер (два пати), Михаел Шумахер (три пати), Рафаел Надал, додека апсолутен рекордер е Роџер Федерер со пет награди.