Роџер Вотерс ќе го објави „The Dark Side Of The Moon Redux“ на 6 октомври оваа година, реинтерпретација на познатото дело на Пинк Флојд од 1973 година.
Албумот ќе биде издаден на ЦД и двоен винил. Засега композицијата „Money“ е издадена како пилот сингл.
По тој повод Вотерс изјави дека би бил добар начин да се прослави педесетгодишнината од објавувањето на албумот, што секако е важно, бидејќи и пораката и целокупната идеја што ја носи со себе апсолутно го издржале тестот на времето.
Тој исто така додаде дека секако го сака и почитува сето она што другите членови на групата Пинк Флојд го направија на оригиналното издание и дека смета дека новите снимки на тие композиции се поиндикативни за самиот концепт на легендарната плоча, и затоа римејкот треба да се гледа како додаток на она што беше направено многу одамна во 1973 година.