Мило ми е што луѓето во Србија се задоволни што резултатите од одговорната политика се видливи, но не сум толку оптимист. Пред оваа емисија пет советници ми рекоа да не бидам песимист, јас на работите гледам поинаку. Тие слики од северот на Косово се погрешни, вистината е дека косовската полиција ги извлекуваше Србите, а не НАТО, изјави српскиот претседател Александар Вучиќ вечерва во гостувањето на ТВ Прва.
– Што се однесува до општата ситуација, сите знаат дека Приштина и Курти се виновни и тоа ќе ви го кажат, но од тоа немаме што да добиеме бидејќи знаеме дека што и да направи, Американците и Англичаните ќе бидат за зачувување на независност на Косово. Да не дозволиме враќање на нашата војска и полиција, да не дозволиме автономија на Србите – рече тој, нагласувајќи дека Курти сака НАТО и Србија да влезат во конфликт.