Мал број борци од Авганистан се борат во редовите на руската паравоена формација „Вагнер“ во Украина, изјави денеска основачот на „Вагнер“ Евгениј Пригожин.
„Да, навистина, авганистанските борци се борат во редовите на „Вагнер“, во мал број. Имаме артилериска единица, која претходно беше обучена да работи со артилериски системи произведени во САД, хаубици М-777 плус, а борците од Авганистан работат со противтенковски системи Javelin и друго оружје што успеваме да го купиме од украинските единици или да ги земеме како трофеи“, напиша тој на Телеграм.