Маскирани „вагнеровци“ регрутираат во училишта во Москва тврдат разузнавачите

Од:

Британското Министерство за одбрана го објави најновиот извештај на своето разузнавање за војната во Украина. Во него тие потсетуваат како руските власти и забранија на озлогласената руска платеничка група Вагнер да регрутира во затворите поради тензиите со военото раководство во Москва. Додаваат дека пред тоа Вагнер регрутирал голем број осуденици од руските затвори и ги пратил на фронтот во Украина.

Британското воено разузнавање известува дека основачот на Вагнер, Евгениј Пригожин, сега многу веројатно се префрлил на обидот да регрутира слободни руски граѓани. Така, Вагнер формираше центри за регрутирање во спортски центри на најмалку 40 локации низ Русија од почетокот на март, се вели во извештајот.

„Во текот на изминатите неколку дена, маскирани Вагнерци задолжени за регрутирање одржаа предавања за кариера во московските средни училишта и дистрибуираа прашалници со наслов „апликација за млад воин“ за да соберат информации за контакт од заинтересирани ученици“, се вели во извештајот на британското разузнавање.

Во извештајот се наведува и дека околу половина од осудените испратени во Украина најверојатно биле убиени или ранети. „Новите иницијативи веројатно нема да ги компензираат загубите на осудените во редовите на Вагнер“, се вели во извештајот.

„Доколку се задржи забраната за регрутирање затвореници, Пригожин најверојатно ќе биде принуден да го намали интензитетот на операциите на Вагнер во Украина“, се вели во извештајот на британското разузнавање.

Би можело да ве интересира

Се сретнаа Трамп и Зеленски

Предраг Петровиќ

ВИДЕО: Русија нема да победи му порача Бајден на Зеленски, украинскиот претседател на средба со Трамп

Катерина Ѓуровски

Русија се вооружува: „Украина е само почеток“

Пристигна одговорот од Америка на најновата нуклеарна закана на Путин

Падна Украинск

Предраг Петровиќ

Германија нема да дозволи Украина да напаѓа на руска територија со западно оружје со долг дострел