Стотици илјади луѓе во Сирија останаа без покрив над главата среде зима по смртоносните земјотреси што ја погодија областа во понеделникот.
Низ северозападна Сирија – каде температурите се под нулата – многу луѓе престојуваат во импровизирани засолништа, џамии и во урнатините на уништените згради.
Муса Зидан, волонтер на „Белите шлемови“, официјално познат како Сириска цивилна одбрана, изјави за Си-Ен-Ен дека десетици илјади семејства моментално се без покрив над главата по земјотресот.
The reality in #Syria remains dire, with hundreds still trapped under the rubble of the catastrophic #earthquake. Despite the ongoing efforts to save lives, the rescue mission continues to be a lonely battle as the world stands idly by. #StandWithSyria pic.twitter.com/mJGzXlGt7j
— Mousa Zidane (@Zidane084) February 9, 2023
„Стотици семејства во Идлиб спијат во своите автомобили, јавни паркови и улици откако нивните домови се уништени. Дури и оние кои сè уште имаат домови се плашат да ја поминат ноќта дома, одат накратко во своите домови во текот на денот, а потоа заминуваат навечер од страв од дополнителни земјотреси“, рече Зидан.
Тој додаде дека студеното време придонесува за катастрофата и дека спасувачките тимови се борат да ги извлечат луѓето од под урнатините.
„Потребна ни е помош во потрагата по преживеани и извлекувањето на загинатите од под срушените згради. Мораме итно да им помогнеме на семејствата обезбедувајќи им засолниште, храна, облека и витални материјали“, рече Зидан.
„Повторно се чувствуваме како светот да нè напушти. Чувствуваме дека светот не успеа, повторно, затоа што никој не дојде и не ни помогна во нашата катастрофа. Се надеваме дека сè уште сте загрижени за Сирија бидејќи вие сте нашата последна надеж рече Зидан во видео објавено на Твитер, алудирајќи на ограничен пристап до помош бидејќи голем дел од областа погодена од земјотресот е под контрола на бунтовниците.
„Со години ги избегнуваме бомбите, но сега сме повторно во урнатини, како да е судбина што не можеме да ја избегнеме“, изјави Зидан.